فقولتله بالنسبه لمنير فـ اى اغنية تلاقيها عندى ..اما الحشيشة الفستك دى هدورلك عليها على النت ومش عارف بئا دى هلاقيها فى موقع ولا فى غرزه ههههه ولا وانا بحملها يتقبض عليا هههه
بصراحه انا عارف ان لولا اختلاف الازواق والكلام الكتير ده انما بجد اغانى واسامى اغانى ورتم وتوزيع بيئه ومستفذ انما انا عرفت اسم واحد عامل اغنيه ..أسمة باين زوكة العياط هههه واغنيته اسمها باين اربعه واحد
حتى يسرا ومى عز الدين .. يعنى لما هيما ولا كنزى ولاد اخويا يكونو معايا والاعلان ده بالاغنية يجى ويقولولى يامحمد يعنى ايه مزه وهزه وحقى برقبتى واصلك خيش وقش اقولهم اية بالله عليكم
ضيفو الى علمكم ان الشكرمون طاخ فى الترالولى ..قالتله فى الفيلم متعدش الكلام التافة ده قدام الولد
قالها مهو بيتفرج عليه وبيشوفو فى التليفزيون وعلى الاقل الترلولى ارحم من الطشت قالى ([size=9]فيلم الكيف)
انما دلوقتى اى حد عاوز يعمل اغنيه يقول فيها اى كلام بيعمل
واهو كله ياكل عيش
وطبعا محدش يقولى هو ده الفن الشعبى ..انا اعرف ان الشعبى يعنى زحمه يادنيا زحمة عدوية ..كتاب حياتى حسن الاسمر او حكيم .. او او كتير اوى
واللى يدايقك ان تلاقى البلد كلها بتردد الاغنيه وعاوزاها نغمات على الموبايل ههه
اومال فين اللى بيسمعو اليسا ومنير عمرو ..ولا انا وحدى فى الغيبوبة
الخلاصه انى عاوز اقول ان الذوق انحدر فى كل حاجه من الاغانى للافلام وهيتنقل للملابس وللكلام والافعال
يعنى خلاص بدل عفاف راضى ومحمد فوزى وماما زمانها جايه توت توت قطر زغنوط
هنعلم العيال انتى يابت يامزه والنبى لهزك هزه بس م عارف ايه ؟؟؟ واصلك خيش واش بجد انا بتفقع من الذوق ده والكلمات البيئه دى..
انا اسف ..ده رأى فرد واحد اللى هو انا ..ولا ليه اى لزمه يمكن اكون غلط يمكن اكون صح انما الحقيقه ..انى بفضفض معاكم ..يعنى مش عاوز حد يزعل منى ..لانى عارف ان كتير من الناس بتحب الاغانى دى
موضوع: ياحلو بانت لبتك .. اول مادابت قشرتك 
الأربعاء يونيو 20, 2012 8:04 am
بجد انا بتفقع من الذوق ده والكلمات البيئه دى..